WhatsApp પોતાના યુઝર્સ માટે એક વધુ પ્રાઈવસી ફીચર લાવવા તૈયારીમાં છે. મેટાની માલિકીની આ લોકપ્રિય મેસેજિંગ એપ ટૂંક સમયમાં “Spoiler Message” નામનું નવું ફીચર લોન્ચ કરી શકે છે, જે ચેટને વધુ ખાનગી અને સુરક્ષિત બનાવશે.
હાલમાં WhatsApp એન્ડ-ટુ-એન્ડ એન્ક્રિપ્શન જેવી સુરક્ષા સુવિધા આપે છે, પરંતુ હવે નવા Spoiler Message ફીચરથી યુઝર્સ ખાસ મેસેજને બ્લર કરીને મોકલી શકશે.
OTP અને પ્રાઈવેટ માહિતી મોકલવી બનશે વધુ સેફ
WhatsApp: આ નવા ફીચરની મદદથી યુઝર્સ OTP, પાસવર્ડ અથવા અન્ય સંવેદનશીલ માહિતી બ્લર કરીને મોકલી શકશે. મેસેજ રિસીવરને શરૂઆતમાં ઝાંખો દેખાશે અને તેને વાંચવા માટે મેસેજ પર ટેપ કરવું પડશે.
આ સુવિધા ખાસ કરીને પ્રાઈવસી અંગે સાવચેત યુઝર્સ માટે ખૂબ ઉપયોગી સાબિત થઈ શકે છે.
આ પણ વાંચો :- IPL 2026 Qualifier 1 : ફાઈનલની ટિકિટ માટે RCB-GT વચ્ચે મહાસંગ્રામ, જાણો ધર્મશાલા પીચ રિપોર્ટ
Spoiler WhatsApp Message ફીચર કેવી રીતે કામ કરશે?
વોટ્સએપ અપડેટ્સ ટ્રેક કરતી WABetaInfo દ્વારા શેર કરાયેલા રિપોર્ટ મુજબ, આ ફીચરનો ઉપયોગ કરવો ખૂબ સરળ રહેશે.
ફીચરનો ઉપયોગ કરવા માટે:
- પહેલું મેસેજ ટાઈપ કરવું
- પછી તે મેસેજને સિલેક્ટ કરીને લાંબો સમય દબાવી રાખવો
- ત્યારબાદ ત્રણ ડોટ મેનૂમાં જવું
- ત્યાં “Spoiler” વિકલ્પ પસંદ કરવો
આ પછી મેસેજ બ્લર થઈ જશે અને રિસીવર તેને ટેપ કર્યા બાદ જ વાંચી શકશે.
ફોટો અને વીડિયો માટે પણ મળી શકે સપોર્ટ
રિપોર્ટ્સ મુજબ, ભવિષ્યમાં WhatsApp આ Spoiler ફીચરને ફોટો અને વીડિયો માટે પણ ઉપલબ્ધ બનાવી શકે છે. એટલે કે સંવેદનશીલ મીડિયા ફાઈલો પણ બ્લર કરીને મોકલી શકાશે.
પહેલા Beta Version માં આવશે ફીચર
હાલમાં આ ફીચર ડેવલપમેન્ટ સ્ટેજમાં છે અને ટૂંક સમયમાં Beta Testers માટે ઉપલબ્ધ થવાની શક્યતા છે. સફળ ટેસ્ટિંગ બાદ તેને તમામ યુઝર્સ માટે રોલઆઉટ કરવામાં આવશે.