બોલિવૂડ અભિનેત્રી Mouni Roy ફરી એકવાર સોશિયલ મીડિયા પર ચર્ચાનો વિષય બની છે. મૌનીએ તાજેતરમાં પોતાની નજીકની મિત્ર Disha Patani સાથેનો એક ફોટો શેર કર્યો હતો, પરંતુ થોડા સમય બાદ જ તે પોસ્ટ ડિલીટ કરી દીધી. પોસ્ટ ડિલીટ થવાના કારણને લઈને સોશિયલ મીડિયા પર અનેક અટકળો ચાલી રહી છે.
Mouni Roy ની પોસ્ટ ડિલીટ થતા ફરી ચર્ચામાં, દિશા પટાણી માટે લખ્યો હતો ખાસ મેસેજ
મૌનીએ પોતાની ઇન્સ્ટાગ્રામ સ્ટોરીમાં દિશા પટાણી સાથેનો ગ્લેમરસ ફોટો શેર કરીને લખ્યું હતું, “મારી નાની બહેનને ખૂબ મિસ કરું છું, જલ્દી પાછા આવો.” જોકે, થોડા જ સમયમાં આ પોસ્ટ હટાવી દેવામાં આવી હતી. પોસ્ટ ડિલીટ થયા પછી તેના સ્ક્રીનશોટ સોશિયલ મીડિયા અને ખાસ કરીને Reddit પર ઝડપથી વાયરલ થઈ ગયા.
આ સમગ્ર મામલો ત્યારે વધુ ચર્ચામાં આવ્યો જ્યારે મૌની રોય અને તેના પતિ સૂરજ નામ્બિયાર વચ્ચે મતભેદ હોવાની અફવાઓ સોશિયલ મીડિયા પર ફરી રહી હતી. કેટલાક યુઝર્સે કોઈ પુરાવા વિના દિશા પટાણીને આ મામલે જવાબદાર ગણાવવાનો પ્રયાસ કર્યો હતો, જેના કારણે દિશાને ભારે ટ્રોલિંગનો સામનો કરવો પડ્યો હતો.
વાયરલ થયેલા ફોટોમાં મૌની બ્લેક કટ-આઉટ મિની ડ્રેસમાં જોવા મળી હતી, જ્યારે દિશાએ કેઝ્યુઅલ અને સ્પોર્ટી લુક પસંદ કર્યો હતો. બંને અભિનેત્રીઓ લાંબા સમયથી ખૂબ જ સારી મિત્ર ગણાય છે અને અનેક પ્રસંગોએ સાથે જોવા મળી છે.
ટ્રોલિંગ વધતા દિશા પટાણીએ પોતાની કેટલીક સોશિયલ મીડિયા પોસ્ટ્સના કોમેન્ટ સેક્શન પણ બંધ કરી દીધા હોવાનું કહેવાઈ રહ્યું છે. જોકે, અત્યાર સુધી મૌની રોયે પોસ્ટ ડિલીટ કરવાના કારણ અંગે કોઈ સત્તાવાર સ્પષ્ટતા કરી નથી.