Varun Dhawan ને લઈને એક મોટી ચર્ચા સામે આવી રહી છે. અહેવાલો મુજબ, વરુણ ધવનને હોલિવુડ ફિલ્મ માટે ઓફર મળી હોવાનું કહેવાઈ રહ્યું છે. કહેવાય છે કે હાલ તેની અમેરિકન ફિલ્મ નિર્માતા Lawrence Kasanoff સાથે ચર્ચા ચાલી રહી છે.
લોરેન્સ કાસાનોફ હોલિવુડની લોકપ્રિય Mortal Kombat ફિલ્મ સાથે જોડાયેલા રહ્યા છે અને હવે તેઓ એક નવી સાયન્સ-ફિક્શન ફિલ્મ પર કામ કરી રહ્યા હોવાનું કહેવાય છે.
પેરેલલ યુનિવર્સ પર બની શકે છે ફિલ્મ
મીડિયા રિપોર્ટ્સ અનુસાર, આ ફિલ્મ “ઇન્ટર પેરેલલ યુનિવર્સ”ના કોન્સેપ્ટ પર આધારિત હોઈ શકે છે. જોકે, અત્યાર સુધી પ્રોજેક્ટને લઈને કોઈ સત્તાવાર જાહેરાત કરવામાં આવી નથી.
જો આ ડીલ ફાઇનલ થાય તો વરુણ ધવન માટે આ એક મોટું આંતરરાષ્ટ્રીય પ્રોજેક્ટ સાબિત થઈ શકે છે.
નેગેટિવ પબ્લિસિટી વચ્ચે ઉઠી ચર્ચા
આ સમગ્ર ચર્ચા એવા સમયે સામે આવી રહી છે જ્યારે વરુણ ધવનની આગામી ફિલ્મ Hai Jawani Toh Ishq Hona Hai સતત નેગેટિવ પબ્લિસિટીમાં છે.
ફિલ્મનું ટ્રેલર કાનૂની વિવાદને કારણે રદ કરવું પડ્યું હોવાનું કહેવાઈ રહ્યું છે. જેના કારણે સોશિયલ મીડિયા પર ફિલ્મને લઈને અનેક ચર્ચાઓ ચાલી રહી છે.
છેલ્લા કેટલાક વર્ષોથી મોટી હિટનો અભાવ
વરુણ ધવનની છેલ્લી ફિલ્મ Border 2 ને સારો પ્રતિસાદ મળ્યો હતો, પરંતુ ઘણા લોકોનું માનવું છે કે ફિલ્મની સફળતાનો મોટો શ્રેય Sunny Deol ને મળ્યો હતો.
તે સિવાય છેલ્લા કેટલાક વર્ષોમાં વરુણ ધવનની ઘણી ફિલ્મો બોક્સ ઓફિસ પર અપેક્ષા મુજબ પ્રદર્શન કરી શકી નથી.
હવે હોલિવુડ પ્રોજેક્ટની ચર્ચાઓ વચ્ચે ચાહકોમાં ઉત્સુકતા વધી ગઈ છે કે શું વરુણ ખરેખર આંતરરાષ્ટ્રીય ફિલ્મમાં જોવા મળશે કે નહીં.